Solombroses e marrits sòmis. Negre raconte a l'imatge de la negror del mond.

Univèrs fictiu, epòca imaginària, mas semblanças tre-bolantas, de s'i mespréner, emai que falsas pasmens.

Narracion que las gents i revertan pas degun mas ont cadun pòt, se ne vira per tal astre, rementar, de biais curiós e enganaire, qualqu'un, endacòm, un bricon.

Saunes estranhs e entristits que s'i butassan, a cò dels actors, remembranças, espèrs, crenhenças, conviccions, iras, mas tanben a còps, totun, regaudiments fugitius atal coma remiracion de beutats naturalas.

Personatges, tempses e luòcs lanhoses e irreals, mes-cladís pantaissaire que cachavièlhas i caben de sembla-realitats ganelejairas.

Endevenanças tan de mal concebre, espaurugantas de vertat e, pasmens, tan d'encontrar a l'encòp dins la vida vidanta, per malastre.